05/01/2016 - 06/01/2016 - G25 Publications

REGENCY INNOVATION SOLUTIONS NA UBA WAZINDUA KADI YA MALIPO YA KIPEKEE AFRIKA JIJINI DAR

By Gadiola Emanuel - 5:02:00 PM

Mkurugenzi Mkuu wa Regency Innovation Solution, Mike Raymond akizungumza na waandishi wa habari jijini Dar es Salaam leo. Wakati wa kusaini mkataba wa maelewano wa kutoa huduma ya kadi ya malipo ya kipekee ya Visa katika bara zima la Afrika wakianzia nchini Tanzania.

na uzinduzia kadi mpya ya malipo itakayoitwa Mimosa Black Card, kadi ambayo itaruhusu mteja kuweka na kutoa fedha bila ya kuhitaji akaunti ya benki.

amesema kuwa Kadi hii mpya ni sawa na kadi ya kawaida ya malipo ya kabla ila ni ya kipekee kwa sababu haiunganishwi na akaunti ya benki hivyo kuifanya kuwa ya gharama nafuu na pia urahisi wa kuweka na kutoa fedha. Kadi hii pia italindwa kwa neno la siri (PIN) na teknolojia ya juu ya ulinzi.

Watumiaji wa kadi ya Mimosa wanaweza kutoa fedha katika mashine za kutolea fedha (ATM), kufanya malipo ya kutumia kadi katika maeneo yote yenye huduma hiyo na pia kufanya manunuzi mtandaoni mahali popote duniani kupitia mtandao wa Visa. Vile vile wateja wanaweza kuweka pesa katika kadi zao kupitia tawi lolote la UBA Tanzania au mitandao ya simu M-pesa, Tigo Pesa, Airtel Money na pia katika akaunti za kukusanya fedha katika benki za CRDB na Exim.

Mkuu wa Kitengo cha Huduma za Fedha za Kielektroniki wa UBA Tanzania, Tesha Philemon akizungumza na waandishi wa habari jijini Dar es Salaam leoamesema kuwa “ Lengo letu kuu ni kubadilisha mfumo wa jinsi watu wanavyotumia huduma za kibenki haswa kwa kujikita katika kundi la wale ambao hawatumii huduma za benki kwa kupitia teknolojia kama hizi. amesema kuwa ushirikiano wao na Regency Innovation Solutions utafanikisha lengo kwa kuwafikia wale wasiotumia huduma za benki na kuwajumuisha katika huduma hizi katika Tanzania na bara la Afrika.

Baadhi ya washiriki katika mkutano huo.

Mkurugenzi wa Mradi wa MIMOSA CONCIERGE, Nassor Sued akifafanua jambo mbele ya waandishi wa habari jijini Dar es Salaam leo.

Mkuu wa Kitengo cha Huduma za Fedha za Kielektroniki wa UBA Tanzania, Tesha Philemon wa pili kulia na Mkurugenzi Mkuu wa Regency Innovation Solution, Mike Raymond wa pili kudhoto wakiwakisaini mikataba leo jijini Dar es Salaam.

Mkuu wa Kitengo cha Huduma za Fedha za Kielektroniki wa UBA Tanzania, Tesha Philemon na Mkurugenzi Mkuu wa Regency Innovation Solution, Mike Raymond wakibadilishana mikataba leo jijini Dar es Salaam.

0 Comments

Celebrity

Ne -Yo in Tanzania : NE-YO AWAKOSHA MASHABIKI WA MWANZA KATIKA JEMBEKA FESTIVAL 2016

By Gadiola Emanuel - 10:09:00 AM

Katika kusherekea mwaka mmoja tangu kuanzishwa kwa redio ya Jembe FM iliyo na makazi yake jijini Mwanza, Mei, 21 kumefanyika tamasha lililopewa jina la JembekaFestival ambalo lilikutanisha mashabiki wa redio hiyo walio mikoa ya kanda ya ziwa kwa kupata burudani ya aina yake kutoka kwa msanii wa muziki wa miondoko ya R& B kutoka nchini Marekani, Shaffer Chimere Smith almaarufu kama NE-YO

Licha ya msanii NE-YO pia kulikuwapo na wasanii wa nchini wakiongozwa na Diamond Platinumz ambaye aliambatana na timu yake kutoka lebo yake ya Wasafi (WCB), wasanii wengine ni Fid Q, Baraka Da Prince, Ney wa Mitego, Maua Sama, Mo Music, Stamina, Juma Nature a.k.a Kiroboto, Ruby na wengine wengi.

Tamasha hilo lilifanyika katika Uwanja wa CCM Kirumba ambapo pia lilihudhuriwa na Mgeni rasmi Waziri wa Habari, Utamaduni Sanaa na Michezo, Mh. Nape Nnauye na Waziri Nchi, Ofisi ya Makamu wa Rais, Muungano na Mazingira, Mh. January Makamba pamoja na Mwanamitindo wa Kimataifa nchini, Flaviana Matata ambao kwa pamoja walionekana kufurahia tamasha hilo la kihistoria kuwahi kufanyika jijini Mwanza.

Kufanyika kwa tamasha hilo kulisimamiwa na mikono ya Vodacom Tanzania ambao ndio wadhamini wakuu, Coca Cola, FastJet, SYSCORP, EF Outdoor, Ndege Insurance Brokers, Jembe FM, Double Tree, KK Security na Mo Entertainment ambao ndiyo waliowezesha kufanyika kwa tamasha hilo.

Kama ulikosa kuja Mwanza hii hapa video ya msanii wa muziki wa R&B kutoka nchini Marekani, NE-YO akiimba wimbo wake uliotamba na uanendelea kubamba wa 'Miss Independent".

Video ya Mkali wa Hip Hop nchini Fareed Kubanda a.k.a Fid Q akichana mistari tamasha la Jembeka na Vodacom jijijni Mwanza.

Video ya mkali wa Ragga na Dance hall, Cool Chata wa JEMBE FM ya Mwanza akiwasha moto Jembeka Festival 2016

Video msanii wa Bongo Flava, Ruby akiimba wimbo wa 'Nivumilie' kwenye tamasha la Jembeka Festival 2016.

Mkurugenzi mtendaji wa Jembe Media Group, Dr. Sebastian Ndege akizungumza jambo kabla ya kuwatambulisha wageni waheshima walioshiriki kwenye Jembeka Festival 2016.(Picha zote na Modewjiblog)

Kutoka kushoto ni Mkuu wa Mkoa wa Mwanza, John Mongella, Waziri Nchi, Ofisi ya Makamu wa Rais, Muungano na Mazingira, Mh. January Makamba, Mbunge wa jimbo la Nyamagama jijini Mwanza, Stanislaus Mabula pamoja na Mgeni rasmi Waziri wa Habari, Utamaduni Sanaa na Michezo, Mh. Nape Nnauye wakimsikiliza Dr. Sebastian Ndege (hayupo pichani).

Mbunge wa Jimbo la Nyamagana, Stanislaus Mabula

Mbunge wa jimbo la Nyamagama jijini Mwanza, Stanislaus Mabula akizungumza machache katika Jembeka Festival 2016 kabla ya kumkaribisha mgeni rasmi Waziri wa Habari, Utamaduni Sanaa na Michezo, Mh. Nape Nnauye kuwasalimia wakazi wa jiji Mwanza waliofurika katik uwanja wa CCM Kirumba mwishoni mwa wiki.

Mgeni rasmi Waziri wa Habari, Utamaduni Sanaa na Michezo, Mh. Nape Nnauye akiwasalimia wakazi wa jiji la Mwanza (hawapo pichani) na kubariki tamasha la Jembeka Festival 2016 lililofanyika katika viwanja vya CCM Kirumba jijini humo.

Mwenyekiti wa kamati ya maandalizi ya Jembeka Festival 2016, Costantine Magavilla akisamiana na Mgeni rasmi Waziri wa Habari, Utamaduni Sanaa na Michezo, Mh. Nape Nnauye.

Mkurugenzi Mtendaji wa Jembe Media Group, Dr. Sebastian Ndege akibadilishana mawazo na mgeni rasmi Waziri wa Habari, Utamaduni Sanaa na Michezo, Mh. Nape Nnauye pamoja na Waziri Nchi, Ofisi ya Makamu wa Rais, Muungano na Mazingira, Mh. January Makamba wakati burudani zikiendelea kwenye Jembeka Festival 2016.

Mgeni rasmi Waziri wa Habari, Utamaduni Sanaa na Michezo, Mh. Nape Nnauye (katikati) akifafanua jambo kwenye mazungumzo na Mkurugenzi Mtendaji wa Jembe Media Group, Dr. Sebastian Ndege (kulia) pamoja Waziri Nchi, Ofisi ya Makamu wa Rais, Muungano na Mazingira, Mh. January Makamba.

Wadau wakifuatilia burudani mbalimbali zilizokuwa zikiendelea.

Vijana wa Mwanza walikuwepo kumshuhudia msanii Neyo Live kwa mara ya kwanza nchini Tanzania.

Mbunge wa jimbo la Nyamagama jijini Mwanza, Stanislaus Mabula (kushoto) na Mtaalamu wa masuala ya fedha nchini, Monica Joseph (wa pili kushoto) walikuwepo kushuhudia tamasha la Jembeka na Vodacom ililoweka historia jijini Mwanza 2016. Kwa picha zaidi bofya hapa

0 Comments

Celebrity

Its Music ; Melisa John Aibuka Mshindi wa Airtel Trace Music Stars Tanzania

By Gadiola Emanuel - 5:22:00 AM

Mshindi wa Airtel Trace Music Stars Tanzania 2016, Melisa John, akiimba mara baada ya kutangazwa mshindi katika fainali za shindano la Airtel Trace Music Stars zilizofanyika katika ukumbi wa Julius Nyerere Jijini Dar es salaam. Melisa amejishindia shilingi milioni 50 pamoja na kupata tiketi ya kuiwakilisha Tanzania katika michuano ya Airtel Trace Music Stars Afrika. Mshindi wa pili wa mashindano hayo ni Nandi Charles na Watatu ni Salim Mlindila

Katibu Mtendaji wa Baraza la Sanaa Tanzania (BASATA) Godfrey Mungereza (kulia) akikabidhi mfano wa hundi ya shilingi milioni 50 kwa mshindi wa Airtel Music Stars Tanzania 2016, Melisa John, mara baada ya kuibuka mshindi wa shindano hilo. Melisa amejishindia shilingi milion50 pamoja na kupata tiketi ya kuiwakilisha Tanzania katika michuano ya Airtel Trace Music Stars Afrika.

Mshindi wa Airtel Trace Music Stars Afrika, Nalimi Mayunga akitumbuiza wakati wa fainali za shindano la Airtel Trace Music Stars Tanzania lililofanyika katika ukumbi wa JNICC jijini Dar es salaama, wakati wa fainali hizo, Mayunga pia alizindua wimbo wake wa video aliomshirikisha mwimbaji wa Marekani Akon ujulikanao kama “ Please don’t go away”

Meneja Rasilimali watu wa Airtel , Bi Gabriel Kaisi (kulia) akimkabithi Nandi Charles mfano wa hundi ya shilingi milioni 5 mara baada ya kuibuka mshindi wa pili wa shindano la Airtel Trace Music Stars Tanzania, katika shindano hilo Melisa John aliibuka kuwa mshindi wa kwanza

mshindi wa Airtel Music Stars Tanzania 2016, Melisa John, akiongea mara baada ya kutangazwa mshindi na kukabithiwa mfano wa hundi ya shilingi miliioni 50. Kulia ni mama yake Melisa John,na kushoto nao MC wa fainali hizo.

mshindi wa Airtel Music Stars Tanzania 2016, Melisa John akipongezwa na mama yake baada ya kuibuka mshindi nakupata kitita cha shilingi milioni 50

Majaji wa shindano la Airtel Trace Music Stars Tanzania, Luciano Gadie Tsere(kushoto) na Tony Joett wakifatilia kwa makini washiriki wanavyoimba ili kupata mshindi wa shindano hilo kwa Tanzania

Mshindi wa tatu wa shindano la Airtel Trace Music Stars Tanzania Salim Mlindila akipokea mfano wa hundi ya shilingi milioni 2 kutoka kwa Meneja wa kampuni ya Tabasamu, Lucy Ngongoseke

Baadhi wa waalikwa waliojitokeza kushuhudia shindano la Airtel Trace music Stars wakiwa katika picha wakati wa koktaili kabla ya shindano hilo kuanza

Washiriki walioingia katika tano bora ya shindano la Airtel Trace Music Stars wakiimba wimbo wa pamoja wakati wa finali za shindano hilo lililofanyika ukumbi wa JINCC jijini Dar es Saalam.

Wageni waalikwa mbalimbali wakifatilia na kuwashangilia washiriki wa shindano la Airtel Trace Music Stars wakiwa Jukwaani huku wakirekodikumbukumbu mbalimbali kupitia simu zao za mkononi

Wageni waalikwa mbalimbali wakifatilia na kuwashangilia washiriki wa shindano la Airtel Trace Music Stars wakiwa Jukwaani huku wakirekodikumbukumbu mbalimbali kupitia simu zao za mkononi.

Mashindano ya Airtel Trace Music Stars ya taifa yamefikia mwisho ambapo Melisa John alitangazwa kuwa mshindi wakati wa fainalii za shindano hilo lililowashirikisha washiriki watano bora na kufanyika katika ukumbi wa Mwalimu Nyerere Jijini Dar es Saalam.

Baada ya kuimba kwa umahiri mkubwa wimbo wa mwanamuziki wakimarekani Mica Paris ujulikanao kama “My One Temptation” Melisa aliweza kuwaaminisha majaji kwamba hakika yeye anastahili kuwa mshindi wa Airtel Trace Music Stars msimu wa 2.

Melisa amejishindia shilingi milion 50 huku mshindi wa pili Nandi Charles akijishindia shilingi milioni 5 na mshindi wa tatu Salim Mlindila akiondoka na shilingi milioni 2.

Kufatia ushindi huo Melisa sasa amepata tiketi ya kuiwakilisha Tanzania katika mashindano ya Airtel Trace Music Stars Afrika yatakayoshirikisha washiriki kutoka nchi 9 zikiwemo Niger, DR Congo, Gabon, Kenya, Madagascar, Malawi, Nigeria, Ghana and Zambia yanayotegemea kufanyaka tarehe 11 Juni 2016 , Lagos nchini Nigeria.

Mshindi wa Airtel Trace Music Afrika atapata nafasi ya kupata mafunzo ya muziki na kurekodi video na mwanamuziki nguli na mtunzi wa nyimbo Keri Hilson , Atlanta nchini Marekani.

“Nimefurahi sana kuibuka mshindi leo, pamoja na ushindi huu mashindano yalikuwa ni ya ushindani kwani kila mshiriki alikuwa na uwezo wa kuimba na mzuri kwa namna tofauti. Nashukuru Mungu kwa kunifikisha hapa na nawashukuru Airtel kwa kutuandalia jukwaa hili ambapo leo limenifanya niweze kuishi ndoto zangu. Napenda sana kuimba na napenda sana mziki naamini huu ni mwanzo mzuri wa safari yangu ya kuwa mwanamuziki nyota” alisema Mshindi wa Airtel Trace Music Stars 2016 Melisa John.

Kwa upande wake Afisa Uhusiano wa Airtel, Jane Matinde alisema “ Airtel inajivunia kuwa sehemu ya kuinua maisha ya vijana wengi, tunaamini kupitia program zetu za kuwawezesha vijana tutagusa maisha ya vijana wengi na kuwawezesha kuzifikia ndoto zao. Tumefurahia mashindano ya mwaka huu yamekuwa na mvuto zaidi na tunampongeza Melisa kwakuibuka kuwa mshindi. Tunamtakia afanye vyema katika michuano ya Afrika nchini Nigeria.”

Katika fainali hizo Mshindi wa Airtel Trace Music Stars Afrika, Nalimi Mayunga alitoa burdani ya nyimbo yake ya “ Nice Couple”na kuweza kuzindua kibao chake na video yake ijulikanayo kama “ Please don’t go away” e inayomshirikisha mwanamuziki nguli kutoka marekani, Akon